Ministri i Shtetit për pushtetin vendor dhe antikorrupsionin Bledi Çuçi ka folur në emisionin "45 minuta" të gazetarit Denis Minga për përpjekjet e qeverisë në luftën ndaj korrupsionit duke theksuar se është bërë shumë për parandalimin dhe ndërgjegjësimin e fenomenit por puna çalon tek ndëshkimi.

Sipas tij për mungesën e ndëshkimit përgjegjësi ka prokuroria dhe gjykata që nuk finalizojnë ankesat dhe denoncimet e qytetarëve. Dukë iu referuar reformës në drejtësi si thelbësore për luftën ndaj korrupsionit ministri Çuçi tha se nuk pret që gjykata Kushtetuese të pengojë ligjin e Vettingun.

Ministri për pushtetin vendor u shpreh gjithashtu se reforma territoriale po jep frytet e saj dhe do të ndihmojë edhe në zbatimin e ligjit për menaxhimin e integruar të mbetjeve. Duke folur për zhvillimet në PS si i deleguar në qarkun e Gjirokastrës , Çuçi tha se prej tre muajsh Koço Kokëdhima është jashtë çdo strukture në këtë qark.