"Hej, je regjistruar për të votuar?" Është kjo pyetja që Sally Anderson, një nga vajzat e organizatës 'New Era Colorado' (Epoka e Re) bën tashmë prej disa orësh në kampusin e Universitetit të Kolorados, duke i ftuar të rinjtë të regjistrohen.

E marta ishte Dita Kombëtare e Regjistrimit të votuesve në SHBA, ku në të gjithë vendin, të rinj si Sally, dalin anembanë vendit për të bindur njerëzit, por kryesisht të rinjtë që të regjistrohen për të patur mundësinë që në 8 nëntor të bëjnë zgjedhjen e tyre jo vetëm për presidentin e ardhshëm të vendit.