Moti i paqëndrueshëm dhe zjarri që përfshiu malin e Shëngjinit gjatë verës kanë ndikuar negativisht në mbarëvajtjen e sezonit turistik në këtë zonë.

Zjarret e rëna gjatë muajit gusht bënë që shumë turistë ta largoheshin, megjithëse ndërhyrja e forcave zjarrfikëse dhe e helikopterëve të ministrisë së mbrojtjes bëri të mundur lokalizimin në një kohë rekord të tij.

Sipas operatorëve turistikë në Shëngjin, këto dy faktorë kanë ndikuar në uljen me 20% të numrit të turistëve krahasuar me të njëjtën periudhë të vitit të kaluar.

Ata deklarojnë se këtë vit sezoni është mbyllur shumë më heret se vitet e shkuara, pasi fillimi i muajit shtator nisi reshje të dendura shiu.

Një tjetër problem sipas operatorëve janë edhe kafshët e rrugës, të cilat leviznin lirshëm në shetiroren e Shëngjinit dhe krijonin panik tek pushuesit.

Operatorët turistike bëjnë thirrje që të merren masa që vitin e ardhshëm të mos përsëritën problematika të tilla.