Subscribe në Ora News këtu http://bit.ly/1s5j7UT

Pas 13 vitesh, Zana Cela rikthehet në drejtimin e TKOB. Elegante me një fustan të bardhë, producentja e njohur shkeli sërish në TKOB mes artisteve që e mirëpritën me duartrokitje në prezantimin me artistët.
Një rezyme të shkurtër për 3 vjeçarin dhe prezantimin e drejtores së re e bëri Ministrja e Kulturës Mirela Kumbaro
Kumbaro: Nëse neve bëjmë një bilanc në këto tre vite, pa dyshim ai bilanc rezulton pozitiv. Dhe merita është e të gjithëve, e të gjitha trupave, e të gjithë stafit drejtues. Qeveria vendosi për kandidaturën e përzgjedhur, një person që është shumë i njohur për ju. Nuk më takon mua të them se çfarë ka bërë Zana në këto vite.
Zonja Çela kërkoi mbështetjen e artistëve për ta kthyer TKOB në një teatër kozmopolit duke ruajtur traditën dhe folklorin.
Çela: Duke ruajtur dhe u mbështetur në traditën shumë vyer që Teatrit i Operës dhe Baletit ka në drejtim të krijimit, prodhimit dhe interpretimit të veprave më me vlerë kombëtare dhe ndërkombëtare, t?i japim teatrit tonë karakterin e një teatri kozmopolit. Hajde të punojmë, të bashkëpunojmë të gjithë teatrot kudo që ndodhen, teatrot evropianë, të punojnë dhe të prodhojnë së bashku me idenë për të ndarë dhe për të shkëmbyer eksperienca artistike.
Duke e parë operën shqiptare në kontekstin e zhvillimeve globale, Çela pohoi se platforma e saj e drejtimit do të heqë dorë nga metodat e vjetra të menaxhimit.

Për më shumë lexoni në: http://www.oranews.tv/vendi/zana-cela-objektivat-per-drejtimin-e-teatrit-te-operes-dhe-baletit/