Një ditë para se sa të hyjnë në fuqi ndryshimet kushtetuese, Presidenti gjendet përballë dy mundësive që kanë të bëjnë me ushtrimin ose të jo kompetencës kushtetuese për zgjedhjen me short të anëtarëve të këshillit të emërimeve në drejtësi.

Ndërsa është konsultuar fillimisht me konstitucionalisët e më pas ka marrë mbështetjen e partive politike për procedurën që do të ndjekë, kreut të shtetit i duhet të vendosë për çeljen e shortit brenda 5 ditëve, por një proces ky që duhet vënë në lëvizje nga ligji për kriteret e kandidatëve, i cili nuk ka kaluar në kuvend.

Konstitucionalistët të cilët ishin edhe në konsultimet me Presidentin parashtrojnë dy opsione në këtë rast për kreun e shtetit.

Të kontaktuar nga Report Tv ata thonë se së pari Presidenti, mund të veproje nisur nga fakti qe interpretohet, sipas nenit 4 të Kushtetutës i cili parashikon që dispozitat Kushtetuese, zbatohen drejtpërsëdrejti, përveç rasteve kur Kushtetuta parashikon ndryshe.