Formula amerikane për reformën në drejtësi, ka përmbushur dhe kushtin apo kërkesën e fundit të PD-së, atë të krijimit të një komisioni ad-hoc me përbërje politike në procesin e përzgjedhjes së prokurorëve e gjyqtarëve. Në këtë mënyrë, PD nuk ka tashmë zyrtarisht asnjë alibi për të rezistuar dhe për të mos e miratuar paketën kushtetuese për reformën në drejtësi.

Por pavarësisht kësaj, dje nga selia e Partisë Demokratike askush nuk doli për të dhënë konfirmimin e saj për votimin e këtij varianti. ?Makthi? i saj ngelet përfshirja e ndërkombëtarëve në procesin e quajtur veting.