كيفه هو الخسران ماني أنا الخسران
كلٍ على اصله يبان وشهو معدنه
ماشاف إلا الطيب وفيني قام ايعيب
والعيب ف اهل العيب مو فيني أنا
هوا اللي خسر راح يشرب م البحر
راح و بيرجع من الله عطشان
وياما فالبشر ناس تطعن بالظهر
عدوان لكنهم في ثوب خلان
وشلون بس شلون اللي حسبته عون
فجأه طلع فرعون ومن ايده الأذى
خلى عيوني تشوف غدره على المكشوف
ومن قلة المعروف شلي بياخذه
اللي ماوفى واللي قلبه ماصفى
ماعلى مثله حسافه أو لوم
تونا نعرفه تو ربي يكشفه
تو طلع وجهه الحقيقي اليوم
مجروح وفيني احساس ظلم وندامه وياس
صدمة اعز الناس صدمه مؤلمه
ايقولو غلطه اتفوت ولا منها حد يموت
وتنهد ياما ابيوت واهلها سالمه
غلطه عن عشر وغلطة الشاطر تضر
لكن اتصحي وتعلم ادروس
و من ينوي غدر فيه دنياه اتغدر
والله العالم شتخبي النفوس