نوشہرہ کے کچھ خواجہ سراؤں نے الزام عائد کیا ہے کہ پولیس نے انہیں بغیر کسی جرم کے تھانے میں بند کرکے خیراخلاقی رویہ اپنایا ہے ۔ پشاور میں آج ان خواجہ سراؤں کا کہنا تھا کہ گزشتہ روز نوشہرہ کینٹ تھانہ ایس ایچ او خالد نے ان پر چھاپہ مارکر سات خواجہ سراؤں کو بغیر کسی جرم کے تھانے لے گئے اور آدھی رات تک حوالات میں بند رکھا۔ بقول ان خواجہ سرا کے حبس بے جا میں رکھنے کے دوران کئی پولیس اہلکاروں نے ان کے ساتھ غیراخلاقی حرکتیں بھی کی ہیں۔ خواجہ سرا صوبائی اتحاد کے نائب صدر پارو نے کہا ہے کہ پولیس نے ہمیشہ ان کے ساتھ خبیث حرکتیں کی ہیں اور غیر اخلاقی رویہ اپنایا ہے۔ ان کا مطالبہ ہے کہ حکومت فوری طور پر مذکورہ ایس ایچ کو یا تو معطل کردے یا پھر کہیں دوسری جگہ تبادلہ کردے۔