Për zëvëndëskryeministrin Niko Peleshi, ligji i dekriminalizimit është ekstrem dhe madje jo shumë kushtetues.

Në intervistën e tij për Report Tv numri 2 i qeverisë shprehet se tashmë topi i ka kaluar strukturave të drejtësisë. Nëse dikush është subjekt i ligjit, ai nuk mund të qendrojë në detyrë, tashmë nuk bëhet fjalë për çështje vullneti politik.

Zv/kryeministri i sheh të gjitha veprimet e fundit të demokratëve si një përpëlitje për të bllokuar reformën në drejtësi. Madje nëse Basha do të refuzonte takimin me Ramën, do të ishte një faktim i kësaj teze.

Deri në 5 maj të gjithë zyrtarët dorëzuan formularët e vetëdeklarimit të së shkuarës. Ndërkohë muaji po mbyllet në pritje të negociatave për zgjidhjen e ngërçit për reformën në drejtësi.