Ministria e Transportit ka prezantuar aplikacionin e ri ?Smart Travel Albania?, që jep informacionin e nevojshëm për gjithë itineraret dhe oraret e transportit publik.
Sipas kreut të këtij dikasteri, Edmond Haxhinasto, aplikacioni është lehtësisht i përdorueshëm, mjafton pasja e një telefoni ?smart? që bën të mundur shkarkimin dhe më pas përdorimin.

?Në ketë kuadër, së shpejti do të prezantohet edhe aplikacioni tjetër, që do të paraqesë në kohë reale gjendjen e akseve kombëtare rrugore dhe trafikut. Më pas këtij aplikacioni, do ti shtohet edhe elementi i biletimit elektronik?, tha ministri.

Ai shtoi se në muajin Maj, përfundon gjithë paketa ligjore për reformën në transpotin ndërqytetas, një reformë e thellë, që do të sjellë një shërbim krejtësisht tjetër për qytetarët shqiptar, duke organizuar gjithë linjat ndërqytetëse dhe duke sjellë një cilësi të re në transport.