Tre të plagosur rëndë është bilanci i një aksidenti rrugor në Fushë-krujë-Tiranë.

Një automjet tip Fiat me targa italiane rreth orës 08:00 të mëngjesit të sotëm është përplasur me një veturë tip SEAT me targa AA284JL e për pasojë kanë mbetur të plagosur tre persona që ndodheshin në dy automjetet.

Konkretisht, të plagosur kanë mbetur Rexhep Xhixha dhe Osman Cangu që udhëtonin në veturën tip Fiat dhe Albert Bardhoku që udhëtonte me Seat.

Të plagosurit janë dërguar me urgjencë drejt spitalit të traumës dhe ndodhen në gjendje kritikë për jetën.

Policia ndodhet në vendin e ngjarjes dhe ka nisur hetimet për zbardhjen e plotë të shkaqeve.