Mëngjeset e një gruaje në karrierë nuk mund të jenë të njëjta me atë të një femre që i është kushtuar pjesës më të madhe të ditës punëve të shtëpisë. Për Klodeta Dibrën, Dekane e Fakultetit të Gjuhëve të Huaja dhe 32 vjet në arsim, mëngjesi fillon shumë i vrullshëm, me një kafe dhe me përgatitjen e cantës për në punë. Në zyrën e saj ajo kalon pjesën më të madhe të ditës, duke ju përkushtuar studentëve të cilët ajo thotë se e bëjnë të ndihet më e re dhe të humbasë sensin e kohës.