http://www.vizionplus.tv
https://facebook.com/VizionPlusTV
https://twitter.com/VizionPlusTV
Sipas dëshmisë së mamasë së tij, pasi perdja mori flakë, 4 vjecari u fsheh në dhomën ngjitur pa e ditur se zjarri ishte përhapur në të gjithë shtëpinë. Në panik e sipër Rabie Nezha doli me foshnjen 7 muajshe edhe me ndihmën e fqinjëve. Të shokuar banorët e pallatit thanë se zjarri ishte i përmasave të mëdha ndërkohë që shërbimet e zjarrfikësve por edhe ambulancave erdhën me vonesë. Ekspertët dyshojnë se flakët të cilat përfshinë fillimisht perden e ambientit të guzhinës dogjën tubin e gazit duke bërë kështu dhe përhapjen e menjëhershme të zjarrit. Nga ekspertiza bombola doli se ishte e pakolauduar ndërkohë që pjestarët e tjerë të familjes Nezha ndodhen në spital.