http://www.vizionplus.tv
https://facebook.com/VizionPlusTV
https://twitter.com/VizionPlusTV
Kjo është një dhomë e vogël me 1825 vepra, ku asnjëra prej tyre nuk është e dubluar. Hapësira që të çon drejt tyre është edhe më e vogël se një derë normale. Sepse për të shijuar art të mirë, të gjithë do të përuleshin me kënaqësi. Por, përpara se të kalojmë në atë dhomë që artisti Bujar Luca e quan ?Black Box?, shijojmë së pari 7 vepra të tij në vaj. Bujar Luca rikthehet në Tiranë pas 26 vjetësh dhe për herë të parë me një ekspozitë në Galerinë e Arteve. Edhe pse dyert e galerive në Paris, New York, Londër, Moskë e Bruksel kanë qenë të hapura për të, ky artist vjen për herë të parë në galerinë e kryeqytetit shqiptar. Për të nuk ka qenë e thjeshtë të jetojë si piktor në kryeqytetin e artit, në Paris ku edhe u shpërngul në vitin 1991. E megjithatë, ai ia doli të përcjellë ekspozita të mira, si ajo e fundvitit të shkuar në Paris që tërhoqi vëmendjen e kritikëve më të mëdhenj të artit vizual, e që për galerinë parisiene dyert mbylleshin përtej orareve zyrtare. Disa prej këtyre veprave ekspozohen sot edhe në Galerinë Kombëtare të Arteve. Ekspozita hap dyert pasditen e sotme dhe do të qëndrojë e hapur 15 nëntor.