http://www.vizionplus.tv
https://facebook.com/VizionPlusTV
https://twitter.com/VizionPlusTV
Ne prag te asaj qe e quan Sfide per historinë, perballjes me Serbinë ne ?Elbasan Arena? kryeministri Edi Rama apelon se me i rendesishem se rezultati i takimit është mbarëvajtja e tij dhe imazhi i Shqipërisë. Thuajse nje vit pas ndeshjes se tensionuar te Beogradit, shefi i qeverise kërkon qe te gjithë te tregojnë traditën shqiptare te mikpritjes dhe provën bindese se Shqipëria eshte vendi i se ardhmes.?Kuqezinjtë përballë fqinjëve serbë të enjten 8 tetor ora 20.30 në Parkun e Kryeministrisë. Fitorja na çon direkt në Francë 2016. Barazimi është një tjetër hap drejt Europianit. Humbja lë gjithçka të hapur. Por mbi të gjitha, duhet të fitojë imazhi i Shqipërisë mikpritëse, dinjitoze, europiane, në një ndeshje futbolli ku e tërë bota perveç nesh, nuk do të shohë rezultatin e ndeshjes po mbarëvajtjen e takimit të kthimit në Shqipëri, një vit pas shpërthimit të dhunshëm në fushën e Beogradit. Prandaj le të nderojmë traditën shqiptare dhe ambicien europiane, duke dhënë një provë bindëse se ky është vendi i të ardhmes jo fushëbeteja e të shkuarës.?Takimin e se enjtes kryeministri shqiptar pritet ta ndjeke ne shoqërinë e numrit dy te qeverise kosovare, njëherësh ministër i Jashtëm, Hashim Thaçi, qe do te jete i pranishëm ne stadium. Ndërsa kryeministri serb Vucic nuk ka marre ende nje vendim nese do te jete ne ?Elbasan Arena?.