http://www.vizionplus.tv
https://facebook.com/VizionPlusTV
https://twitter.com/VizionPlusTV
Kostumet shumëngjyrëshe popullore, vallet nga gjithë trevat shqipfolëse dhe këngët e performuara nga artistë të mëdhenj të skenës pushtuan mbrëmë Teatrin e Operas dhe Baletit. Ansambli i këngëve dhe valleve popullore përfaqësuar denjësisht nga Rexhep Çeliku dhe Lili Cingu i janë bashkuar emrave si Margarita Xhepa, Sherif Merdani dhe Shpresa Gashi për të përshëndetur miken e tyre, mjeshtren e madhe Irini Qirjako në këtë përvjetor të saj. Mirëpo në këtë skenë, nuk kane munguar as grupet polifonike të cilët sollën ison e jugut tashmë të njohur ndërkombëtarisht si një vlerë e jashtëzakonshme artistike. Dhe ashtu sikurse kjo mbrëmje nisi me mjeshtren e madhe Irini Qirjako që festonte 40 vite në skenë, kjo mbrëmje është mbyllur po me duartrokitje të mëdha në nder të artistes dhe të artit që përcollën emrat më në zë të skenës.