http://www.vizionplus.tv
https://facebook.com/VizionPlusTV
https://twitter.com/VizionPlusTV
Ai është i njohur tashmë me ekspozitat dhe bienalet jashtë Shqipërisë. Dhe jo pak herë ka qenë i suksesshëm Helidon Haliti, një artist që nisi rrugëtimin e tij në Tiranë e më pas jashtë vendit të tij, sot rikthehet me një lloj arti ndryshe. Pjesëmarrës midis 46 artistëve nga e gjithë bota, në bienalen e artit vizual në letër, Haliti vjen me dy peizazhe të punuara në akuarel, kjo në linjë me përpjekjen e tij për ta rikthyer këtë teknikë të vështirë, e cila nuk po aplikohet më. Përzgjedhja e peizazheve ka qenë tërësisht e autorit. Helidoni pohon se kjo bienale sjell liri për të gjithë artistët, pasi i vetmi kusht që kanë vënë dy kuratorët, shqiptari Marashi dhe italiani Vilata ishte arti në letër. Njohës shumë i mirë i punimeve që u ekspozuan në bienalen e këtij lloji në Torino, Haliti sjell edhe një krahasim që duket mjaft pozitiv për kryeqytetin shqiptar.Helidon Haliti:Bienalja në Tiranë është më cilësore se ajo e Torinos për veprat që përcjell.Një mendim mjaft pozitiv artisti ka edhe për përballjen e 18 artistëve nga Shqipëria me punimet që vijnë nga jashtë. Artisti që gjithnjë ka dëshirë të flasë me mëtuesit e punës së tij do ta gjeni thuajse çdo paradite në ambientet e Muzeut Kombëtar ku ka marrë tashmë jetë bienalja e pikturës në letër.