http://www.vizionplus.tv
https://facebook.com/VizionPlusTV
https://twitter.com/VizionPlusTV
Pak pasi ka hyre ne kryeministri për të nisur ditën e punës, Edi Rama është zhvendosur në ndërtesën përballe, në zyrën e aleatit të tij kryesor Ilir Meta. Rama u takua me metën rreh orës 9:15 dhe qëndroi me kreun e kuvendit për afr0 60 minuta. Por ndërsa biseda mes tyre vijonte, në ambientet e kryesisë ka mbërritur Ministri i Brendshëm Sajmir Tahiri. Burime të kuvendit, bëjnë të ditur se Tahiri ka qëndruar në zyrë me Metën dhe Ramën për 10 minuta, më pas ka dalë i pari nga takimi. Pak minuta pas tij është larguar edhe kryeministri Rama. Zyrtarisht nuk bëhet e ditur se çfarë është diskutuar mes tyre, por takimi zhvillohet në kohën kur Prokuroria e Krimeve të Rënda ka kulmuar marrjen e dëshmive me atë të Fatjon Skenderajt, një prej personave kyç në akuzat e deputetit Tom Doshi për vrasjet politike. Nga ana tjetër, biseda mes Ramës, Metës e Tahirit zhvillohet edhe 24 ore para protestës së lajmëruar nga opozita, e cila pritet të zhvendoset nga sheshi Skenderbej, para ambienteve të Parlamentit.