http://www.vizionplus.tv
https://facebook.com/VizionPlusTV
https://twitter.com/VizionPlusTV
Monika Abrashi është viktima e parë, e cila ka humbur jetën për shkak të përmbytjeve. Si pasoje e reshjeve të shumta të rëna gjatë natës lumi Vërdove në Pogradec ka dale nga shtati dhe rrjedha e tij ka marrë përpara 38 vjeçaren. Ngjarje e rëndë ka ndodhur mëngjesin e së premtes, teksa gruaja po mundohej të mblidhte dru për të ndezur zjarrin në shtëpi, por pasi është afruar pranë oborrit, për shkak të vërshimit të ujit avllia është rrëzuar. Fillimisht ka qenë djali i saj i madh 12 vjeç që ka tentuar të shpëtojë nënën, por është ndaluar nga fqinjët. Fillimisht lajmi është dhënë nga banorët e zonë dhe është konfirmuar më pas edhe nga policia e Pogradecit. Trupi i pajetë i viktimës është gjendur në liqenin e Pogradecit. Monika jetonte atje sëbashku me tre fëmijët e saj, pasi bashkëshorti ndodhet në emigrim në Greqi.