http://www.vizionplus.tv
https://facebook.com/VizionPlusTV
https://twitter.com/VizionPlusTV
Vala e protestave të shqiptarëve në Maqedoni, duket se nuk ka të ndalur.Pas ngjarjeve të së premtes dhe të shtunës në Shkup, edhe për ditën e sotme janë paralajmëruar manifestime, këtë herë të shtrira në shumë qytete ku banojnë shqiptarët. Me anë të ftesave në rrjetet sociale nga grupime të ndryshme, shqiptarët janë ftuar që të dalin në shesh në orën 14:00.Ndryshe nga tubimet e mëparshme që u mbajtën vetëm në kryeqytet, këtë herë thirrja është bërë edhe për shqiptarët në Strugë, Dibër, Kërçovë, Tetovë, Gostivar e Ohër.Në protestat e së premtes dhe të shtunës, forcat policore të Maqedonisë ushtruan dhunë ndaj manifestuesve shqiptarë. Nga përleshjet mes palëve, u shënuan 27 të plagosur, mes të cilëve edhe disa policë, ndërsa gjashtë persona u arrestuan.Zemërimi i shqiptarëve erdhi pas vendimit të Gjykatës Themelore në Shkup, që shpalli fajtorë dhe dënoi me burgim të përjetshëm gjashtë shqiptarë të akuzuar për vrasjen e pesë maqedonasve dy vjet më parë.