http://www.vizionplus.tv
https://facebook.com/VizionPlusTV
https://twitter.com/VizionPlusTV
Karkalecat janë kthyer ne problemin kryesor për fermerët e komunës Mollaj në Korçë. Ata kane pushtuar fushat duke dëmtuar të mbjellat e stinës. Drejtoria e Bujqësisë u ka dhëne fermerëve preparatin për të luftuar karkalecat, por banoret e zonës ankohen se ai nuk mjafton. Në qarkun e Korçës janë prekura nga karkalecat rreth 3500 ha tokë, por vetëm një mijë prej tyre po dezinsektohen, pasi mungojnë fondet. Është viti i dytë që fshatra të tërë në rrethin e Korçës gjatë kësaj periudhe përballen me këtë problem. Pak ditë më parë ministria e Bujqësisë ka kryer dezinsektim edhe ne fushat e komunës Pustec.