http://www.vizionplus.tv
https://facebook.com/VizionPlusTV
https://twitter.com/VizionPlusTV
Mund të duket si ironi e fatit, por Teatri Kombëtar sjell këtë fundjavë një pjesë e cila lidhet drejtpërdrejtë me jetën dhe botën e brendshme të të rinjve sot, ku për koincidencë jo me larg se dy ditë më parë ngjarja tragjike e vetëvrasjes së një të reje tronditi opinion publik. Nën titullin e qartë "Dhimbje", pjesa ka në skenë vetëm një aktore, që është njëkohësisht edhe skenaristë, Dorina Dinga. 23- vjeçarja ka krijuar një monodrame mbi gjendjen e pështjelluar shpirtërore të një të reje në realitetin e përditshëm shqiptar. Ndryshe nga çjemi mësuar ta shohim, aktori Genci Fuga vendoset këtë here në rolin e regjisorit, ku "Dhimbje" bëhet pjesa e parë që ai ngjit në skenën e teatrit kombëtar me këtë petk.