http://www.vizionplus.tv
https://facebook.com/VizionPlusTV
https://twitter.com/VizionPlusTV
Zgjedhjet që do të përcaktojnë forcën politike që do të qeverisë Kosovën në katër vitet e ardhshme, cilësohen si më të rëndësishmet që prej fundit të luftës, pasi janë kyçe për të ardhmen e vendit sa i takon integrimit. Kur kanë mbetur orët e fundit, para se qytetarët e shtetit të ri të shprehin vullnetin e tyre, kryetarja e KQZ-së Valdete Daka, tregon në një intervistë për Vizion Plus, se tashmë çdo gjë është gati.E vetmja vështirësi që Daka nxjerr në pah, ka qenë koha e shkurtër për organizimin e procesit. Sipas kryetares së Komisionit Qendror Zgjedhor, përgatitjet kanë vijuar normalisht edhe në veriun me shumicë serbe, falë edhe ndihmës teknike nga OSBE. Zgjedhjet e së dielës në Kosovë do të ndiqen nga afër nga më se 30 mijë vëzhgues vendas e të huaj. Kutitë e votimit hapen në orën 7 të mëngjesit, për t'u mbyllur në 19.