http://www.vizionplus.tv
https://facebook.com/VizionPlusTV
https://twitter.com/VizionPlusTV
Tashmë që 31 bukuroshet finaliste të "Miss Shqipërisë 2014" janë përzgjedhur, rruga deri në finalen e madhe është ende e gjatë. Provat e organizuara në "Concord Center" me ekipin koreografik të eventit të bukurisë, kanë nisur çdo ditë për vajzat pjesëmarrëse në këtë edicion të 16-të. Paralelisht me provat, finalistet kanë nisur edhe fushatën e promovimit të mbështetësve të eventit dhe nga kjo fundjave ato do t'i përkushtohen plotësisht setit fotografik për revistën zyrtare të "Miss Shqiperia 2014". Mes 31 pjesëmarrëseve, "Miss Shqipëria" mirëpret edhe dy vajza nga Ulqini, qyteti mikpritës i këtij edicioni. Por deri në ditën e finales, 27 Qershor, bukuroshet edhe këtë vit do të realizojnë turin turistik, tradite tashme e këtij eventi, i cili do të përfshijë Vlorën, Beratin, Pukën, Shkodrën dhe Thethin.