http://www.vizionplus.tv
https://facebook.com/VizionPlusTV
https://twitter.com/VizionPlusTV
Janë tre autore në një ekspozitë, edhe pse në fakt ky aktivitet sjell në të njëjtin ambient tre mini ekspozita. Aleksander Filipi, Gazmend Leka dhe Besim Tula emra të njohur të artit bashkëkohor në vend vijnë kështu në Galerinë e Universitetit të Arteve me vepra që i kanë realizuar gjatë viteve të fundit. "Qytetari i Botes" është ajo çka i bashkon të tre në krijimtarinë e tyre, edhe pse në dukje janë tre mënyra të ndryshme të pikturuarit. Ekspozita të cilës tre artistet nuk i kanë vënë një titull, nis kështu me telajot e Filipit, të cilat janë filozofike dhe kanë në to frymëzim nga personazhe fetare. Gazmend Leka, veprat e të cilit ndodhen në sallën tjetër hulumtojnë qiellin tokën, nëntokën dhe origjinën tonë. Krahas tyre, janë edhe tablotë e Besim Tules, ironike dhe provokuese njëkohësisht. Veprat do të qëndrojnë të ekspozuara deri më 23 Prill ne FAB.