http://www.vizionplus.tv
https://facebook.com/VizionPlusTV
https://twitter.com/VizionPlusTV
Marsel Hoxhallari është një i ri 24 vjeç nga qyteti i Korçës, që jeton vetëm me babain e tij të sëmurë në këtë mjedis, të përshtatur për banim në ndërtesat e ish-vilave qeveritare. Nëna i ka vdekur pak kohë më parë, ndërsa gruan dhe fëmijën e vet i ka dërguar tek prindërit e saj, pasi nuk mund t'u sigurojë ushqim të përditshëm. Ai bashkë me babain marrin vetëm ndihmë sociale, ndërkohë që për të siguruar të ardhura të tjera Marseli del përditë në rrugët e qytetit për të kërkuar lëmoshë nga bashkëqytetarët. Babai i tij Viktori thotë se është i detyruar që çdo mëngjes të përcjellë djalin për të lypur, pasi vetë është i sëmurë dhe nuk mund të punojë dot.