http://www.vizionplus.tv
https://facebook.com/VizionPlusTV
https://twitter.com/VizionPlusTV
Dëmtimi i shtëpive për banorët e zonës naftëmbajtëse Zharrës-Marinëz në Fier, është problemi i fundit në zinxhirin e shqetësimeve ata kanë prej vitesh. Në fshatin Marinëz që është i ndërtuar mes puseve të naftës, më shumë se 40 persona në vit i shtohen listës së gjatë të të sëmurëve kronikë me fenole në gjak. Sëmundja që vjen prej ndotjes nga çlirimi i hidrokarbureve ka prekur prej 9 vjetësh edhe Altin Mitën, 35 vjeç nga ky fshat. Ai dergjet i sëmurë në shtrat dhe çdo shërbim që nga veshja, të ushqyerit dhe çdo gjë tjetër ai e merr nga nëna e tij. Faktin e ndikimit të ndotjes në shëndetin e banorëve të kësaj zone, e pranon edhe mjeku specialist Kilo Stoja, i cili ka kryer studime pikërisht për rrezikun që I kanoset shëndetit të banorëve të kësaj zone nga hidrokarburet. Ai thotë se prej kohësh nuk kryhet një depistim i plotë për të verifikuar të prekurit në këtë zonë, ndërsa shton se mos kapja në kohë e sëmundjeve në gjak prej fenoleve është shumë e rrezikshme për jetën e njerëzve. Fusha naftëmbajtëse e Marinëz u zbulua në vitin 1960 kohë kur nisi edhe aktiviteti në këtë zonë. Që prej asaj kohe çdo vit kryheshin kontrolle periodike në banorët e zonës si dhe personat që punonin në sektorin e naftës, por kjo praktikë tashmë është harruar dhe për pasojë është shtuar dhe numri i personave me shëndet të përkeqësuar nga ndotja e hidrokarbureve