http://www.vizionplus.tv
https://facebook.com/VizionPlusTV
https://twitter.com/VizionPlusTV
Nëse je në kërkim të një pune, të duhen vetëm pak minuta kohë për të aplikuar online, por shanset për ta siguruar atë mbeten per t'u vlerësuar. Regjistrimi në zyrat e punësimit dhe dërgimi i CV-ve nëpër zyra e kompani, kanë qene për vite me radhe, mënyra e vetme e kërkimit të një pune. Tani agjenci të ndryshme ofrojnë dhe një tjetër alternative, atë të aplikimit online. Endrit Poga, është një i ri, që ka ditur të përfitojë përmes kësaj mënyrë, për të siguruar një vend pune më të mire, se ai qe kishte. Aplikimi online është një shërbim që po njeh përdorim masiv vitet e fundit. Eliana Mete, drejtuese e nje agjencie ne kryeqytet thote, se ky shërbim ka kosto 0 per punëkërkuesin. Agjencitë e punësimit, qe ofrojnë kete shërbim janë disa ne vendin tone, dhe operojnë ne mënyrë zyrtare, pasi licencohen. Por, informacioni mbi mënyrën sesi ato operojnë mbetet i ulet. Shërbimi kombëtar i punësimit në prill te këtij viti informatizoi sistemin dhe vendosi që aplikimet t'i ofrojë edhe online. Të dhënat zyrtare tregojnë se oferta ne muajin prill ka qene 343 vende pune ndërsa në korrik 253. Kjo do te thotë se rreth 100 pozicione pune janë përthithur nga tregu, qe ka kërkuar me shume profile si informatika dhe komunikacioni me 51%, apo industria përpunuese 18 % dhe tregtia me 7%.