جو بھی غنچہ تیرے ہونٹوں پر کھِلا کرتا ہے
وہ مری تنگیِ داماں کا گلہ کرتا ہے

دیر سے آج مرا سر ہے ترے زانو پر
یہ وہ رُتبہ ہے جو شاہوں کو ملا کرتا ہے

میں تو بیٹھا ہوں دُبائے ہوئے طوفانوں کو
تو مرے دل کے دھڑکنے کا گلا کرتا ہے

رات یوں چاند کو دیکھا ہے ندی میں رقصاں
جیسے جھومر ترے ماتھے پہ ہلا کرتا ہے

جب مری سیج پہ ہوتا ہے بہاروں کا نُزول
صرف اک پھول کواڑوں میں کھلا کرتا ہے

کون کافر تجھے الزامِ تغافل دے گا
جو بھی کرتا ہے محبت سے گلا کرتا ہے

لوگ کہتے ہیں جسے نیل کنول وہ تو قتیل
شب کو اُن جھیل سی آنکھوں میں کھلا کرتا ہے

گائیک : عالمگیر

Jo Bhi Ghuncha Tere Hountoun Pah Khila Karta Hay
Woh Meri Tangiy-e-Damaan Ka Gila Karta Hay

Dair Say Aaj Mera Sar Hay Tere Zaanou Per
Yeh Woh Rutba Hay Jo Shahoun Ko Mila Karta Hay

Main To Baitha Houn Dubaye Huay Toofanoun Ko
Tou Mere Dil K Dharaknay Ka Gila Karta Hay

Raat Youn Chaand Ko Daikha Hay Nadi Main Raqsaan
Jaisay Jhoomar Tere Maathay Pah Hila Karta Hay

Jab Meri Seej Pah Hota Hay Baharoun Ka Nazool
Sirf Ek Phool Kawaroun Main Khila Karta Hay

Koun Kaafir Tujhay ilzaam-e-Taghaful Day Ga
Jo Bhi Karta Hay Muhabbat Say Gila karta Hay

Log Kehtay Hain Jisay Neel Kanwal Woh To Qateel
Shab Ko Un Jheel Si Aankhoun Main Khila Karta Hay