Malayalam Movie- Pranaya Nilavu
Lyrics- S Ramesan Nair, Music Berny Ignatius,
Sung by Yesudas_Radhika Thilak
Follow-www.facebook.com/rhythmoldmelody
https://twitter.com/chm1961
*******************************
*പാല്‍ക്കുടങ്ങള്‍ തുളുമ്പും നിലാപ്പെണ്ണിനും ദാവണിപ്രായമല്ലേ
പൊന്‍കിനാക്കാള്‍ നിനക്കായു് കടം തന്നൊരീ കാറ്റിനും നാണമില്ലേ
കണ്ണറിയാത്തൊരു മച്ചമില്ലേ
അന്നു ഞാന്‍ കണ്ടതല്ലേ - ഓര്‍മ്മയില്ലേ

(പാല്‍ക്കുടങ്ങള്‍)

കാര്‍മുകില്‍ - മഴപ്പീലികള്‍ - വിടര്‍ന്നാടുമീ താഴ്വാരമെന്റെയായു്
മാരിവില്‍ - മണിത്തൂവലില്‍ - നിറം ചാലിച്ച മേനിയും സ്വന്തമായു്
കുളിച്ചൊരുങ്ങാന്‍ എന്റെ മാനസ്സപ്പൊയ്കയും
കുട നിവര്‍ത്താന്‍ നിനക്കേഴുസ്വപ്നവര്‍ണ്ണവും
എടുത്തണിയാന്‍ നൂറു ചെമ്പനപ്പൂക്കളും
അടുത്തുറങ്ങാന്‍ ഇതള്‍താമരപ്പൂമെത്തയും
ഇന്നു നിന്‍ പേരില്‍ ഞാന്‍ തന്നില്ലയോ
എന്നുമെന്നോര്‍മ്മയില്‍ നീയല്ലയോ

(പാല്‍ക്കുടങ്ങള്‍)

രാവുകള്‍ - രഥവീഥിയില്‍ - മദനോത്സവം കാണുന്ന വേളയില്‍
മൂകമായു് - തിരിതാഴ്ത്തി - വിരല്‍പ്പാടുകള്‍ മായ്ക്കുന്നു താരകള്‍
നഖമുനകൊണ്ടു ഞാന്‍ തീര്‍ത്തൊരീ കാവ്യം
നളിനദലങ്ങളില്‍ നീ പകര്‍ന്ന ലഹരിയും
തിരിയുഴിഞ്ഞീടുമീ കണ്ണിലെ നാണവും
ഒരു വിളിപ്പാടകലെ കാത്തു നിന്ന സ്വര്‍ഗ്ഗവും
ഒന്നുമീ രാവുകള്‍ക്കറിയില്ലയോ
എന്നുമീ ദാഹങ്ങള്‍ ഒന്നല്ലയോ

(പാല്‍ക്കുടങ്ങള്‍)
S Ramesan Nair