TIRANE - Inspektoriati Ndërtimor Urbanistik Kombëtar ka prishur këtë të martë në kryeqytet objektin pa leje në pronësi të deputetit të Partisë Demokratike Astrit Veliaj.

Objekti i ndodhur në rrugën Hajdar Hidi, prej 3 muajsh është verifikuar si ndërtim pa leje nga inspektorët e ndërtimit ndërsa pronari i saj, Veliaj njëherazi dhe deputet i PD-së nuk kishte ndalur së ndërtuari.

Forca të shumta të policisë mbikqyrën operacionin për shëmbjen e objektit, ndërsa ndërhyrja e INUK u bë me matrapik dhe eskavator. Ky është operacioni i disatë që INUK kryen në zona të ndryshme të Tiranës ndërsa objekti në fjalë i rrethuar dhe me llamarina paçka se ishte njoftuar për prishjen e tij vazhdonte të kryente punime në brendësi.