DIBER - Një aksion i përbashkët i policisë së Mirditës dhe forcave speciale RENEA, ka bërë të mundur arrestimin e Ilir Rajtës, 44 vjeç lindur dhe banues në fshatin Lurë, të Dibrës, i cili më 30 prill vrau me armë zjarri një person dhe plagosi një tjetër, në fshatin Lurë të Dibrës

A1 Report, sjell pamjet e arrestimit të 44 vjeçarit, i cili ishte arratisur prej mëse një javë pas kryerjes së krimit. Sipas policisë Rajta u gjet i fshehur në fshatin Bulshar të Mirditës.

Ilir Rajta, pas një përplasjeje me armë në fshatin Lurë të Dibrës, ka vrarë më 30 prill me breshëri automatiku Shpendi Skanën ndërsa i plagosur mbeti Ndriçim Cuku.