TIRANE - Banka e Shqipërisë mban të pandryshuar normën bazë të interesit në nivelin 2.75%. Njoftimi është dhënë nga Banka e Shqipërisë në faqen e saj zyrtare.

Gjithashtu Këshilli Mbikëqyrës i Bankës së Shqipërisë miratoi Raportin Tremujor të Politikës Monetare. Guvernatori Ardian Fullani në një deklaratë për shtyp tha: "Prodhimi Brendshëm Bruto u rriti me 1.1% në tremujorin e fundit të vitit 2013. Inflacioni i importuar ka ardhur në rënie; vërehet ecuri pozitive e investimeve publike ndërsa aftësia për të ruajtur ritme të qëndrueshme, faktor parësor."

Fullani shtoi se "Konsolidimi fiskal pritet të jetë më i shpejtë; Bankat vazhdojnë të mbeten konservatore në kreditim. Lidhur me rritjen ekonomie, Guvernatori theksoi se "Rritja ekonomike pritet të jetë më e balancuar gjatë 2014-s".