Dy gra të moshuara kanë gjetur vdekjen në orët e mbrëmjes së sotme, ndërsa janë përplasur nga një automjet.

Ngjarja e rëndë ka ndodhur në periferi të qytetit të Korcës, ku dy të moshuarat, identiteti i të cilave nuk dihet ende janë përplasur nga një automjet tip "Benz" ndërsa kalonin rrugën. Përplasja ka rezultuar fatale për dy gratë, të cilat kanë gjetur vdekjen e menjëhershme.

Drejtuesi i mjetit është larguar me shpejtësi nga vendngjarja pas përplasjes, duke braktisur dhe mjetin i cili u gjet nga policia vetëm pak minuta më vonë.

Policia më pas ka identifikuar drejtuesin e mjetit dhe ka bërë të mundur arrestimin e tij. Drejtuesi i mjetit është 18-vjeçari, Marjo Pajo, i cili u arrestua në lagjen 17 të Korçës.

Sipas policisë shkak i aksidentit mendohet të jetë errësira në rrugë, si dhe lagështira e tepërt.

Uniformat blu të Korçës vazhdojnë hetimet për të zbardhur detajet e këtij aksidenti të rëndë, i cili i mori jetën dy grave.