FIER - Fieri ka qënë ndalesa e radhës e ministrit për çështjet vendore Bledi Cuci, i cili vijon serinë e konsultimeve më drejtuesit vendorë për reformën territoriale.

Ministrti gjatë fjalës tij, ndërsa e cilësoi këtë nismë si kryerefomë të qeverisë Rama, u ndal tek arsyet se pse ajo duhet finalizuar sa më shpejt.

"Organizimi administrativ aktual territorial i ka shtënë ngërç dhe i ka lidhur duart shumicës së njësive vendore. Sot Shqipëria është e copëtuar. Ka 385 njësi vendore dhe 12 qarqe. Kjo ndarje bazohet në një masë të gjerë në trashëgiminë nga organizimi shtetëror nga sistemi i kaluar i cili vepronte në kushtet e një ekonomie të centralizuar dhe e bazonte adiminstrimin e territorit në organizimin e kooperativave." tha Çuçi.

Në takim u vu re mungesa e përfaqësuesve të njësive vendore që drejtohen nga partia demokratike.