TIRANË - Komisioni i Medias dhe Edukimit në Kuvend ka nisur seancën e dëgjimit për kandidatët për Këshillin Kombëtar të Radio-Televizionit Shqiptar. Në komision janë paraqitur gazetari Mero Baze dhe Altin Shegani, jurist. Këto janë dy dëgjesat e fundit.

Dekani i Juridikut, juristi Altin Shegani ishte i pari që parashtroi idetë e tij se, si mund të refermohet RTSH. Sipas Sheganit, "Televizioni Publik Shqiptar mund të bëjë më shumë për të rinjtë për të ndjekur emisione televizive edhe me përmbajtje akademike".

Ndërkaq kandidati tjetër, Mero Baze ka deklaruar se, "TVSH-ja duhet që të dalë nga getoja e shtetit dhe duhet të jetë konkurues me televizionet e tjera private". Sipas gazetarit Baze, Televizioni Publik Shqiptar duhet që të ketë rrjetin e tij dixhital.