KUKES - Prefekti i qarkut të Kukësit, Ram Hoxha kërkon të hetohen procedurat e ndërtimit të Ujësjellësit të ri të Kukësit, një investim prej 3,5 milion eurosh.

Prefekti thotë se përmes një shkrese zyrtare do t'i kërkojë KLSH-së ngritjen e një grupi pune që të hetojë mënyrën e ndërtimit të ujësjellësit dhe evidentimin e problemeve që paraqiten pas ndërtimit të tij.

Ai thotë se kjo kërkesë bëhet pas problemeve që ka shkaktuar zbatimi i projektit, i cli, nuk është marrë në dorëzim as nga Bashkia e as nga Ndërmarja e ujësjellesit, me pretendimin se nuk eshte ndertuar ashtu sic duhej.

Ujesjellesi i ri i Kukësit i cili do të furnizohte dhe dy komunat Shtiqen e Bicaj u nis së ndërtuari në vitin 2OO9. Që atëherë, janë shënuar disa problem të cilat kanë zvarritur ndërtimin, duke lënë pa uje mijera banore.

Kohëve të fundit, kompania "Marsi sh.p.k" që e ndërtoi i kërkoi bashkisë që ta merrte në dorezim, por bashkia nuk e merr në dorëzim ujësjellësin me pretendimin se punimet nuk kanë mbaruar, bile ajo kërkon që problem i ujësjellësit të shihet me vemendje nga organet e drejtësisë.

Në Kukës konsumatorët furnizohen 2-3 orë në ditë, bile vetëm në ato pallate ku vetë banoret kanë instaluar pompat e ujit.