Momentet tragjike të nxjerrjes së trupit të deputetit të PD Sokol Olldashi janë kapur nga kamerat e televizionit A1 Report. Forcat e policisë kanë ndërhyrë për të nxjerrë trupin e Olldashit nga makina e aksidentuar. Situata e nxjerrjes së trupit të të ndjerit ka qenë tepër e vështirë, kjo për shkak edhe të kushteve të vështira atmosferike. Makina tip 'Benz S-Class' e deputetit demokrat ishte kthyer pothuajse përmbys pasi kishte bërë disa rrotullime dhe kishte rënë në humnerë. Pasi u nxorr nga makina e shkatërruar, trupi i Olldashit u dërgua në morg për të bërë ekspertizën mjeko-ligjore dhe më pas rreth orës 05:00 të mëngjesit, trupi i tij u nis për te familjarët.