TIRANË -- Partia Socialiste i ka kërkuar prokurorisë së Përgjithshme, hetimin e veprave penale që lidhen me zgjedhjet. Nëpërmjet një shkrese që i është nisur sot, kryeprokurorit Adriatik Llalla nga kryetari i PS-së, Edi Rama, "kërkohet krijimi i një Task Force pranë Prokurorisë së Përgjithshme me objekt të vetëm hetimin e veprave penale në fushën e zgjedhjeve." Kallëzimi u dorëzua në prokurori nga nënsekretari për zgjedhjet zgjedhore në PS, Bledar Çuçi.