VLORE- Kryetari i PS-së ishte sot paradite në qarkun e Vlorës për një bashkëbisedim me banorë të këtij qarku të cilëve u kërkon votën për më 23 qershor 2013. Nga ana tjetër i bën thirrje të mos votojnë Arben Malajn, i cili në këto zgjedhje kandidon si i pavarur po në këtë qark. Në Novoselë të Vlorës Rama i ka shpjeguar banorëve pse çdo votë jashtë PS dhe koalicionit është për Saliun. Fillimisht Rama është ndalur tek jetimorja, për të përshëndetur fëmijët jetimë, të cilët sot më 1 qershor festojnë ditën e tyre. Më pas ka vazhduar me këndin e fjalës në Novoselë të Vlorës të cilëve u kërkoi të mos japin asnjë votë tradhtarëve të PS-së.