Temperatura të larta dhe jo të zakonshme për këtë periudhë të vitit, na presin gjatë javës që vjen. Kështu thonë sinoptikanët e Entit Hidrometeorologjik. Sipas tyre, gjatë ditëve të ardhshme na pret mot i ndryshueshëm, me vranësira të shpeshta dhe me diell, e temperatura ditore që do të arrijnë deri në 13 gradë. Arsyeja për temperaturat e larta, sipas sinoptikanëve, është përfshirja e vendit nga një rrymë ajrore që vjen nga Jugu, kurse nga dita e Premte pritet një ulje e vogël e temperaturave dhe reshje bore.

"Do të ketë reshje të kohëpaskohshme të shiut. Më shumë rreshje pritet të ketë në pjesët perëndimore të vendit, ndërsa nga fundi i javës së ardhshme, gjegjësisht tani për tani së paku të premten, pritet të përfshihemi nga një erë që do të vije nga Veriu. Atëherë do të kemi ulje të temperaturave, dhe me këtë rast në disa vende mund të ketë edhe reshje të dobëta të borës", deklaroi Dushanka Tanushevska, sinoptikane.

Paraqitje të mjegullave mund të vërehen në luginat e lumenjve dhe ultësira, më tepër gjatë orëve të mëngjesit ku dhe mund të priten temperatura më të ulëta. Sinoptikanët gjithashtu thonë se këto temperatura që tani kanë përfshirë Maqedoninë janë paraqitur edhe më parë, por që kjo dukuri është shumë rrallë. Bojana Simonoviq