Magkapatid na babae, pinatay sa basement ng kanilang bahay sa Pittsburgh!


Dalawang magkapatid na babae ang natagpuang patay, sa basement ng kanilang bahay sa East Liberty, Pittsburgh, noong Biyernes ng hapon.

Ang 38-year-old na si Sarah Wolfe ay isang psychiatrist sa Wester Psychiatric Institute and Clinic; ang kanyang 44-year-old na kapatid na si Susan ay isang teacher's aide sa Hillel Academy of Pittsburgh, sa Squirrel Hill.

Nakatira silang dalawa sa bahay sa Chislett Street na binili ni Sarah noong Disyembre.

Nang hindi pumasok sa kanilang mga trabaho ang magkapatid noong Biyernes ng umaga, nagsitawagan ng mga tao ang kanilang mga katrabaho.

Dumating ang pulis sa bahay, at halos kasabay nila ang boyfriend ni Sarah na si Matthew Buchholz, na nabalitaan din na nawawala si Sarah.

Natagpuan ng pulis ang katawan ng magkapatid, na nakahigang magkatabi, sa basement.

Si Susan ay nakahubad at nabuhusan ng bleach, samantalang si Sarah ay nakadamit.

Pareho silang binaril ng isang beses sa ulo.

Wala pang nalalaman na motibo ang pulis, at hindi nila sinabi kung ang mga babae ay seksuwal na naasulto.

Alam ng pulis na napasukan ang bahay isang gabi, matapos lumipat doon ng magkapatid, pero hindi pa nalalaman kung konektado ang dalawang krimen.

Natagpuan ng pulis ang lime green Ford Fiesta ni Sarah, nan aka-park sa South Whitfield Street, sa gitna ng Penn Avenue at Bau Boulevard, na may isang milya ang layo sa kanilang bahay.

Wala pang suspect ang pulis, pero nakumpirma nila na ang boyfriend ni Sarah ay hindi suspect sa kasong ito.

Ang magkapatid na babae ay kabilang sa pamilya na may walong magkakapatid, kugn saan kabilang rin ang State Rep na si Mary Wolfe.




For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH