مطربة الأجيال وردة
أغنية : قال إيه بيسألوني - حفل الجزائر 1983
كلمات الشاعر الغنائي الرقيق عبد الوهاب محمد - ألحان الموسيقار الشيخ سيد مكاوي
WARDA - Al Eih Biyes'alouni - Algeria
Lyrics By : Abdelwahab Mohamed - Composed By : Sayed Mekkawi
---------------
كلمات أغنية قال إيه بيسألوني وردة

قال إيه بيسألونى عنك يا نور عيونى
معقول اكون بحبك اكتر من نفسى ليه
حقيقى حيرونى بالرد وغلبونى
عندى أسباب كتيره وح اقول إيه وللا إيه
-------
حبك مفرحني فرح طير بطيرانه
قربك مريحني راحة الروض بأغصانه
عطفك ساقينى الحنان كله بألوانه
ودك مهنينى قربك مخلينى
إنسان لقى نفسه فيك من بعد توهانه
-------
وبيسألوني قال ... ودي محتاجة لسؤال
إنت الأمل والمنى والدنيا والأحلام
وأنا من رضاك ببتسم للغيب وللأيام
ويوم لقاك بلتقي كل الجود بسام
ومن نعيم والهنا بشعر معاك إني أنا
ضمنت بيك السعادة للحياه قدام
-------
إزاي بيسألوني إذا كان يانور عيوني
أجمل ماعشت في حياتي بروحي وبكياني
أيام رضاك اللي هم بعمري وبزماني
حظي معاهم علي بيا وخلاني
أعيش في عالم بديع واتمنى وانا في الربيع
أرجع بعمري واحبك من جديد تاني تاني
قال إيه بيسألونى عنك يا نور عيونى
معقوله اكون بحبك اكتر من نفسى ليه
حقيقى حيرونى بالرد وغلبونى
عندى الأسباب كتيره وح اقول إيه وللا إيه
-------