Tiger Mom, inabuso ang anak, dahil lang sa hindi natapos na homework!

Isang Chinese na ina ang binugbog ang kanyang anak na lalake, dahil hindi nito ginawa ang kanyang homework.

Natakpan ng mga pasa at sugat ang katawan ng sampung taong gulang na bata, na si Chao Chao (超超). Tatlong taon nang namatay ang ama ni Chao Chao, kaya sila na lang ng kanyang ina ang magkasama sa Xinjiang, China.

Dinalaw ni Chao Chao ang kanyang lolo noong Miyerkules. Nagtaka ang lolo at nakasuot ng makakapal na damit ang bata. Nang tinangka niyang tanggalin ang jacket ng bata, ay napasigaw ito sa sakit.

Sinabi ni Chao Chao sa lolo na tinali siya ng kanyang ina, at binugbog noong isang gabi, dahil hindi niya ginawa ang kanyang homework.

Dinala ng lolo ang bata sa opisina ng kanyang ina. Nang tumanggi ang babae na ipadala sa ospital ang kanyang anak, tinanggal ng lolo ang damit ng bata, para makita ng lahat ng tao ang ginawa ng kanyang ina.

Ayon sa ina ni Chao Chao, masyadong pilyo ang bata, at spoiled pa sa kanyang lolo.

Tinawagan ng lolo ang pulis, at dinala ang bata sa ospital para mailista at magamot ang kanyang mga pasa at sugat. Balak niyang labanan ang ina ng bata sa korte.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH