Baby-on-board carjacking: Magnanakaw ng kotse, iniwan ang isang baby sa bakanteng lote!

Matapos maging biktima ng isang carjacking sa Houston gas station na ito, nakabawi pa rin ang isang ina sa Texas.

Huminto para kumuha ng gas ang ina ni Baby Genesis, ala una ng madaling araw. Bumaba siya sa kotse, para magbayad, at mabilis na bumalik, pero naiwan niya ang susi ng kotse sa ignition at hindi niya nai-lock ang pinto -- na naging magandang pagkakataon para sa isang magnanakaw.

Nang umandar paalis ang carjacker, napansin niya na ang kanyang grand theft auto ay na-upgrade sa kidnapping, at nagdesisyon siyang iwan si Baby Genesis sa isang bakanteng lote.

Bandang alas siete ng umaga, nagja-jogging ang residente na si Hong Nguyen, at napansin ang baby na nakaupong mag-isa sa kanyang car seat. Agad na tinulungan ni Nguyen ang baby at nagtawag ng pulis.

Nakabalik din si Baby Genesis sa kanyang ina nang hindi nasasaktan -- nakagat lang siya ng mga langgam kung saan siya iniwan ng magnanakaw.

Ayon kay Nguyen, hindi siya madalas na mag-jogging sa lugar kung saan niya nakita ang baby, kaya natutuwa siya at napadpad siya doon sa araw na iyon.

Iniwan ng suspect ang kotse sa isang kalsada, at siya ay kasalukuyang hinahanap ng pulis. Kung mayroon kayong impormasyon na makakatulong sa kanila, kontakin po ang Houston Texas Police Department.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH