اَج سِک مِتراں دی ودھیری اے
کیوں دِلڑی اُداس گھنیری اے
لُوں لُوں وِچ شوق چنگیری اے
اَج نیناں لائیاں کیوں جھڑیاں

مُکھ چند بدر شعشانی اے
مَتّھے چمکدی لاٹ نُورانی اے
کالی زُلف تے اَکھ مستانی اے
مخمُور اکِھیں ہِن مَدھ بھریاں

اس صورت نُوں میں جان آکھاں
جانان کہ جانِ جہان آکھاں
سچ آکھاں تے رب دی شان آکھاں
جس شان تو شاناں سب بنیاں

سبحان اللہ ما اجملک
ما احسنک ما اکملک
کِتّھے مہرؔ علی کِتّھے تیری ثنا
گُستاخ اکھیں کِتّھے جا اڑیاں

کلام
حضرت قبلہ عالم شیخ المشایخ حضرت مولانا شمس جہاں پیر سید مہر علی شاہ جیلانی قادری چشتی نظامی صابری رحمتہ اللہ تعالی علیہ گولڑہ شریف
.اپ کی دعاؤں کاطالب سید شاہد محی الدین بخاری