yar tha gulzar tha bad-e-saba thi main na tha
layaq-e-pa-bos-e-jan kya hina thi main na tha

hath kyon bandhe mere chala agar chori hua
ye sarapa shokhi-e-rang-e-hina thi main na tha

main ne pucha kya hua wo ap ka husn-o-shabab
hans k bola wo sanam shan-e-Khuda thi main na tha

main sisakta rah gaya aur mar gaye farahad-o-qais
kya unhin donon k hisse mein qaza thi main na tha

Bahadur Shah

http://www.poemhunter.com/poem/yar-tha-gulzar-tha/