نروح لموضوع أخر ، محتاج أطرح سؤال .هو مين ممكن يكتب التاريخ..يا سادة في إشكالية بتواجه كتابة التاريخ في مصر .. أهمها أننا بنهتم بالشخصيات على حساب الأحداث .. يعني بقينا بنشخصن التاريخ..طيب نزيد سؤال كمان..هو إحنا إمتى نكتب التاريخ..هل مثلا نكتبه في أي وقت ... بعد الحدث بيوم بشهر بسنة بعشر سنين مثلا ؟؟ .... التاريخ هنا مش ماتش كورة الأهلي كسب فيه..لأه ده تاريخ أمة وشعوب وبلدان..وبالتالي قراءة التاريخ ممكن تتغير مع مرور الوقت وتظهر حقائق ووثائق جديدة ...كل يوم بنكتشف حقائق في ثورة 25 يناير..وأهو عرفنا حقيقة الإخوان بعد 25 يناير ، وزيها 30 يونيو في حقائق كتير ناس ما تعرفهاش ..يا سادة لازم نفرق بين تسجيل الأحداث وتوثيقها وبين كتابة المذكرات أو شهادات حول واقعة معينة.. القاعدة تقول (التاريخ لا يكتب إلا بعد انتهاء السياسة) بمعنى أنه لا يمكن كتابة تاريخ أي حدث إلا بعد أن ينقضي تماما.. لأنه عادة التاريح بكتب على هوى الأنظمة الموجودة وأظن انتم عارفين اننا فضلنا 30 سنة في عصر مبارك حسسونا ان مبارك هو اللي قام بحرب أكتوبر ، وبالتالي ده هيحتاج اننا ننتظر ويكون في جهات محايدة تسرد التاريخ بشكل محايد وتقدمه للناس بشكل موثق ، الرسالة دي لمؤرخينا وكمان لوزارة التربية والتعليم .. وأظن كلامي واضح .. معنا على الهاتف الدكتور عاصم الدسوقي أستاذ التاريخ الحديث بجامعة حلوان .
تابعونا على https://www.facebook.com/alSadahalMo7taramon