اللا مركزية كلمة السر أو المفتاح السحرى لأى محافظة عاوزه تنهض بمواردها الذاتية وتحقق تنمية اقتصادية .. اللامركزية يعنى يكون كل محافظ رئيس جمهورية محافظته .. يكون قادر على اتخاذ قرارات يكون لها مردود إيجابى للمحافظة.. ومايستناش تعليمه من الناس اللى فوق عشان ياخد قرار .. محافظة الدقهلية من المحافظات اللى فيها مشاكل وتحديات كتيرة .. أولها مشكله مياه الشرب والصرف الصحى ..ده غير مشاكل الإسكان ..تلال القمامة .. العشوائيات .. والصحة .. وتكدس المواطنين فى المستشفيات .. والتموين ,, والبناء على الأرض الزراعية .. وغيرها وغيرها من المشاكل اللى بقت موجوده فى كل محافظات مصر .. مشاكل لازم اللواء عمر الشوادفى محافظ الدقهلية واللى أخذ على عاتقه الحفاظ على أراضي الدولة عندما ترأس المركز الوطني لاستخدامات أراضي الدولة منذ عام 2004 ..واللى حصل على لقب الصندوق الأسود لأراضي مصر يكون حط لها خطط للبدء فى حلها ..لأنه تعرض لهجوم شديد لكنه كان واضح واعلن بكل صراحة عن المشاكل والعقبات وماذا سيتم على أرض الواقع .. الناس فى المرحلة ديه لن تغفر الأخطاء ولن تقبل أعذار .. عاوزين يعيشوا حياه كريمة ويحصلوا على ابسط حقوقهم .. فلازم المحافظين يضعوا مشاكل الناس فى أولويات عملهم . ... خلونا نرحب باللواء عمر الشوادفي محافظ الدقهلية .
تابعونا على https://www.facebook.com/alSadahalMo7taramon