‘L'epitaphe en forme de ballade
que feit Villon
pour luy et pour ses compaignons,
s'attendant estre pendu avec eulx’.


À
Serge Venturini


‘Mon povre cueur vous laisse…
Adieu vous dy la lerme à l’œil.’

Extrait du Rondel – VIII, attribué à François Villon.
http://fr.wikisource.org/wiki/Adieu_vous_dy_la_lerme_%C3%A0_l%E2%80%99%C5%93il


Frères humains qui après nous vivez
N'ayez les cueurs contre nous endurciz,
Car, ce pitié de nous pouvres avez,
Dieu en aura plustost de vous merciz.
Vous nous voyez cy, attachez cinq, six
Quant de la chair, que trop avons nourrie,
Elle est pieça devorée et pourrie,
Et nous les os, devenons cendre et pouldre.
De nostre mal personne ne s'en rie:
Mais priez Dieu que tous nous veuille absouldre!

Se frères vous clamons, pas n'en devez
Avoir desdaing, quoyque fusmes occiz
Par justice. Toutesfois, vous sçavez
Que tous hommes n'ont pas bon sens rassiz;
Excusez nous, puisque sommes transsis,
Envers le Filz de la Vierge Marie,
Que sa grace ne soit pour nous tarie,
Nous preservant de l'infernale fouldre
Nous sommes mors, ame ne nous harie;
Mais priez Dieu que tous nous vueille absouldre!

La pluye nous a debuez et lavez,
Et le soleil dessechez et noirciz:
Pies, corbeaulx nous ont les yeulx cavez
Et arrachez la barbe et les sourciz.
Jamais nul temps nous ne sommes assis;
Puis ca, puis la, comme le vent varie,
A son plaisir sans cesser nous charie,
Plus becquetez d'oiseaulx que dez à couldre.
Ne soyez donc de nostre confrairie;
Mais priez Dieu que tous nous vueille absouldre!

Prince Jhésus, qui sur tous a maistrie,
Garde qu'Enfer n'ayt de nous seigneurie:
A luy n'ayons que faire ne que souldre.
Hommes, icy n'a point de mocquerie;
Mais priez Dieu que tous nous vueille absouldre!


Illustration :
‘Au bord des larmes’ - Tearful

‘My sad heart leaves you ...
Farewell! the tears are in my eyes’
(François Villon)

Photo : Lady_K, 11 décembre 2005
Sous licence CC BY-NC 2.0
https://www.flickr.com/photos/krista_g/72327625/


Pour une écoute plurielle :
Léo Ferré – Frères humains
https://www.youtube.com/watch?v=m91kHnqQEis

Bernard Lavilliers
https://www.youtube.com/watch?v=uXOXLxVu_q8

Vive Voix – Wheaton College avec
- Peter Marquis ;
- Jean Deschamps ;
- André Nerman.
http://wheatoncollege.edu/vive-voix/poemes/ballade-des-pendus/